அத்தியாயம் : 86 அத்தாரிக்
மொத்த வசனங்கள் : 17
அத்தாரிக் – விடிவெள்ளி
இந்த அத்தியாயத்தின் முதல் வசனத்தில் அத்தாரிக் என்ற சொல் இடம் பெற்றிருப்பதால் அதுவே இந்த அத்தியாயத்தின் பெயராக ஆனது.
அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்…
86:1. வானத்தின்507 மீதும், தாரிக்202 மீதும் சத்தியமாக!379
وَٱلسَّمَآءِ وَٱلطَّارِقِ
86:2. தாரிக் என்பது என்னவென உமக்கு எப்படித் தெரியும்?
وَمَآ أَدْرَىٰكَ مَا ٱلطَّارِقُ
86:3. அது ஒளி வீசும் நட்சத்திரம்.
ٱلنَّجْمُ ٱلثَّاقِبُ
86:4. ஒவ்வொருவர் மீதும் கண்காணிப்பாளர் இல்லாமல் இல்லை.
إِن كُلُّ نَفْسٍ لَّمَّا عَلَيْهَا حَافِظٌ
86:5. மனிதன் எதிலிருந்து படைக்கப்பட்டான்368 என்பதைச் சிந்திக்கட்டும்.
فَلْيَنظُرِ ٱلْإِنسَـٰنُ مِمَّ خُلِقَ
86:6. குதித்து வெளிப்படும் நீரிலிருந்து படைக்கப்பட்டான்.506
خُلِقَ مِن مَّآءٍ دَافِقٍ
86:7. அது முதுகுத் தண்டுக்கும் முன்பகுதிக்கும் இடையிலிருந்து வெளிப்படுகிறது.231
يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ
86:8. இவனை மீட்பதற்கு அவன் ஆற்றலுடையவன்.
إِنَّهُۥ عَلَىٰ رَجْعِهِۦ لَقَادِرٌ
86:9. அந்நாளில் இரகசியங்கள் வெளிப்படுத்தப்படும்.
يَوْمَ تُبْلَى ٱلسَّرَآئِرُ
86:10. அவனுக்கு எந்த வலிமையும் இருக்காது. எந்த உதவியாளரும் இருக்க மாட்டார்கள்.
فَمَا لَهُۥ مِن قُوَّةٍ وَلَا نَاصِرٍ
86:11. திருப்பித் தரும்149 வானத்தின்507 மீது சத்தியமாக!379
وَٱلسَّمَآءِ ذَاتِ ٱلرَّجْعِ
86:12. பிளக்கும் பூமியின் மீது சத்தியமாக!379
وَٱلْأَرْضِ ذَاتِ ٱلصَّدْعِ
86:13. இது தெளிவான கூற்றாகும்.
إِنَّهُۥ لَقَوْلٌ فَصْلٌ
86:14. இது கேலிக்குரியதல்ல.
وَمَا هُوَ بِٱلْهَزْلِ
86:15. அவர்கள் கடும் சூழ்ச்சி செய்கின்றனர்.
إِنَّهُمْ يَكِيدُونَ كَيْدًا
86:16. நானும் கடும் சூழ்ச்சி செய்கிறேன்.6
وَأَكِيدُ كَيْدًا
86:17. எனவே (என்னை) மறுப்போருக்கு அவகாசம் அளிப்பீராக! சொற்ப அவகாசம் அளிப்பீராக!
فَمَهِّلِ ٱلْكَـٰفِرِينَ أَمْهِلْهُمْ رُوَيْدًۢا
