முஸ்லிம்களப் படுகொலை செய்யும் நெதன்யாகுவைக் கொல்ல அனுமதி உண்டா?
முஸ்லிம்களைக் கொன்று வரும் இஸ்ரேலியப் பிரதமர் பெஞ்சமின் நெதன்யாகு படுகொலை செய்யப்பட வேண்டும் என்று முஸ்லிம்கள் நினைப்பது சரியா? அது சரி என்றால், பாலஸ்தீனத்திற்கு வெளியே எங்கேனும் அவரைத் தீர்த்துக்கட்ட ஒரு வாய்ப்பு கிடைத்தால், அது சரியாக இருக்குமா? ஓர் இஸ்லாமிய அரசு அவரைக் கைது செய்தால், பாலஸ்தீனத்தில் அவர் செய்த அக்கிரமங்களுக்காக மற்றொரு நாட்டில் வைத்து அவருக்கு மரண தண்டனை வழங்க முடியுமா? அல்லது அவர் பாலஸ்தீன எல்லைக்குள் மட்டும்தான் தண்டிக்கப்பட வேண்டுமா? அல்லது முஸ்லிம்கள் அவரை விட்டுவிட்டு, அல்லாஹ் ﷻ அவரைப் பார்த்துக் கொள்வான் என்று நினைக்க வேண்டுமா?
முஹம்மது அபூபக்கர். சென்னை அயனாவரத்திலிருந்து
எந்த வழியில் சண்டையிட இஸ்லாம் அனுமதிக்கிறது என்று அவர் கேட்கிறார்.
முதலாவதாக, இத்தகைய எண்ணங்களே பலரைத் தவறான வழிக்கு இட்டுச் சென்றுள்ளன. நெதன்யாகுவைத் தண்டிப்பதற்கு நீங்கள் யார்? நேரடியாகப் போரில் ஈடுபட்டுள்ளவர்கள் சண்டையிடுகிறார்கள். போரில் ஒரு தரப்பு கொல்கிறது, மறு தரப்பு பதிலுக்குக் கொல்கிறது. இந்த விஷயத்தில் உரிமை உள்ளவர்கள் பாலஸ்தீன மக்கள் தான்.
இங்கே அமர்ந்து கொண்டு, தனிப்பட்ட முறையில் நீங்கள் சென்று அவரைக் கொல்ல முடியுமா என்று கற்பனை செய்வது எதார்த்தத்திற்குப் புறம்பானது. ஒரு போதும் நடக்காத சூழ்நிலைகளை நீங்கள் கற்பனை செய்கிறீர்கள். நீங்கள் அவரைக் கொல்லும்படி அவர் எங்காவது தனியாகவா படுத்துக் கிடப்பார்?
இத்தகைய எண்ணங்கள் வெறும் உணர்ச்சிவசப்பட்ட தூண்டுதல்கள் மட்டுமே.
பெஞ்சமின் நெதன்யாகு ஓர் இஸ்லாமிய ஆட்சியின் கீழ் பிடிபட்டால், அவர் நிச்சயமாகக் கொலைகளுக்குப் பொறுப்பான ஒரு குற்றவாளியாகவே நடத்தப்படுவார். சர்வதேச நீதிமன்றங்களிலேயே அவர் ஏற்கனவே ஒரு குற்றவாளியாக அறிவிக்கப்பட்டுள்ளார். அவர் சில நாடுகளுக்குள் நுழைந்தால், அவர்கள் அவரைக் கைது செய்து தண்டிக்கலாம், மரண தண்டனை கூட விதிக்கப்படலாம். அது சட்டப்பூர்வமான அதிகாரத்திற்கு உட்பட்ட விஷயம்.
ஆனால், நீங்கள் தனிப்பட்ட முறையில் அவரை எங்காவது பார்த்தால் கொல்ல முடியுமா? அப்படி நினைப்பது ஒரு ஆரோக்கியமற்ற சிந்தனையின் அறிகுறியாகும். எதார்த்தத்திற்குப் புறம்பான சூழல்களைக் கற்பனை செய்து, அதிலேயே மூழ்கியிருப்பது மன உளைச்சலுக்கு வழிவகுக்கும். இவை தேவையற்ற எண்ணங்கள். ஒருவர் குற்றவாளி என்றால், அவர் பிடிபடும்போது சம்பந்தப்பட்ட நாடுகளோ அல்லது அதிகார அமைப்புகளோ அவரைத் தண்டிக்கும். அதில் உங்களுக்கு ஏதேனும் பங்கு இருக்கிறதா? உங்களுக்கு எந்த வாய்ப்பும் இல்லை, எதையும் செய்யும் திறனும் இல்லை. நீங்கள் கற்பனை செய்வது ஒருபோதும் நடக்காது. நடக்கவே வாய்ப்பில்லாத ஒன்றை ஏன் கற்பனை செய்ய வேண்டும்?
